NA 5/12/13 POESIA APPENA SCRITTA DA TINA PICCOLO

NA 5/12/13 POESIA APPENA SCRITTA DA TINA PICCOLO

La poesia che segue l’abbiamo ricevuta da Tina Piccolo;  la pubblichiamo perché i versi ci appaiono profondi espressioni  di una certa delusione.

Alberto  Del Grosso 

Vattenne

5 dicembre 2013 alle ore 18.02

Io t’aggio vista comm’o sole e ‘a luna,

l’arcobaleno doppo na tempesta,

‘o culore d”o cielo a ogne staggione,

na musica ‘e chitarra e mandulino,

ma mò vattenne ca nun me daie pace….

Suonno vestuto ‘e tanta fantasia,

nun  dà cchiù dulore ‘a vita mia….

Sì nata ‘nzieme a me, cu frennesia,

diciste ‘a primma parola fatta ‘e core,

chiagniste ‘a primma lacrema d’ammore…

ma nun te voglio cchiù accussì,

lassame stà,nun voglio ccchiù sunnà.

Sta vita è ‘ngrata e me fa dannà,

pirciò te prego vattenne a ccà,

nun me fa male cu sta fantasia….

Nun te voglio cchiù chiammà “POESIA”

Tina Piccolo