NUTTATTA ’E NATALE ( Lirica di Carmen Percontra )

NUTTATTA ’E NATALE ( Lirica di Carmen Percontra )

26 dicembre 2013 alle ore 10.34

NUTTATTA ’E NATALE

Ma comme è futa ’sta notte ’e Natale,

ma quanta neve ca scenne da ’o cielo,

e ’o munno ch’aspetta

ca nasce ’o Bammino.

E mentre ca io stongo

annanze ô presebbio

dicenno ’a nuvena,

oi gente sentite

a me che succere….

Pe’ tramente che fora

faceva ’a tempesta,

cu’ acqua, e cu’ trònole

e cu’ gliuòmmere ’e viento,

io sento ’na voce,

’na voce luntana:

«Ammore mio, ammore,

tu addo’ staie?»

No, nun ce pozzo crédere,

me giro a cà, e a là pure m’avoto,

pe’ scanaglia’ ’sta voce ’a ro’ me vene,

’sta voce ca me sta chiammanno ammore.

Ma forse, ’sa’, stevo sulo sunnanno,

forse era sultanto fantasia…

Ma no… nun era suonno

 e nun me l’ero manco ’mmaginato…

’Sti parole ’e sentevo overamente,

pecché sulo l’ammore mio

 me chiammava accussì, cu’ chella voce…

Oramaie è passato ’n’anno

’a quanno te ne si’ sagliuto ’ncielo

Sarrà stato Giesù a farme ’stu rialo:

ha vuluto ca io

pe’ ’n’ata vota ancora

sentesse ’a voce toia…

L’ùrdema vota.